काठमाडौं -काठमाडौंको बबरमहलस्थित नेपाल आर्ट काउन्सिलमा पुरानो पैसालाई प्रदर्शनीमा राखिएको छ। नेपाल मुद्रा संकलक संघ स्थापनाको २० वर्ष पुगेको अवसरमा पुरानो पैसा प्रदर्शनीमा राखिएको हो।

नेपाल, भारत लगायतका देशका सिक्का र नोट प्रदर्शनीमा राखिएको छ। कांग्रेस नेता विमलेन्द्र निधिले मंगलबार प्रदर्शनीको अवलोकन गर्दै यस किसिमको असल कार्यका लागि आयोजकहरुलाई धन्यबाद दिए।

आयोजक मञ्जित मल्लले आगामी दिनमा पुराना पैसाको प्रदर्शनीलाई प्रदेशस्तरमा लैजाने तयारी भइरहेको जानकारी दिए।

सोमबारदेखि सुरू भएको यो प्रदर्शनी बुधबारसम्म चल्नेछ। नेपाल कला परिषद् बबरमहलमा बिहान १० बजेदेखि ६ बजेसम्म हुने प्रदर्शनीमा निःशुल्क प्रवेशको व्यबस्था छ।

Categorized in उपत्यका