प्रदर्शनकारीको आक्रमणबाट कोटेश्वरमा ३ र महाराजगञ्जमा एकजना प्रहरीको मृत्यु
Janjati Khabar – Janjati Khabar | २०८२ भाद्र २५, बुधबार
काठमाडौँ - जेनजी प्रदर्शनकारीको आक्रमणबाट काठमाडौँको कोटेश्वरमा ३ जना प्रहरीको मृत्यु भएको छ । प्रहरी प्रभागमा आगजनीपछि प्रदर्शनकारीहरूले प्रहरीलाई आक्रमण गरेका हुन् ।
आत्मसमर्पण गरेका प्रहरीहरूलाई प्रदर्शनकारीहरूले सडकमा ल्याएर आक्रमण गरेको प्रत्यक्षदर्शीहरू बताउँछन् । कोटेश्वर प्रभागमा कार्यरत ३ जना प्रहरीहरू हताहती भएको सूचना आएको जिल्ला प्रहरी परिसर काठमाडौँका एक अधिकृतले रातोपाटीलाई बताए ।
महाराजगन्जमा एकजना असईको मृत्यु
यसैगरी प्रहरी वृत्त महाराजगन्जमा कार्यरत एक जना प्रहरी सहायक निरीक्षक (असई)को मृत्यु भएको छ ।
जेनजी प्रदर्शनकारीहरूले महाराजगन्जमा आगजनी सुरु गरेपछि निसास्सिएर एक जना असईको मृत्यु भएको प्रहरीका एक जना उच्च अधिकृतले रातोपाटीलाई बताए ।
वृत्तमा आगजनी सुरु भएपछि त्यहाँ फसेका प्रहरीहरूलाई सेनाको हेलिकप्टरबाट उद्धार गरिएको थियो ।
Categorized in राष्ट्रिय
